OPIÐ ÞRI - FÖS KL. 12 - 18 (LOKAÐ ALLA LAU Í ÁGÚST)

Um okkur

Barr Living er verslun sem var opnuð síðla árs 2017. Markmiðið er að bjóða upp á fallegar og spennandi vörur sem bæði fegra heimilið og gleðja augað. Ef lýsa ætti stílnum þá er það hin fullkomna blanda af því hráa og því hlýja. Við viljum gefa fólki færi á að skapa sér persónulegan stíl og kappkostum við að finna og flytja inn vörur sem ekki eru fyrir á markaði á Íslandi og höfum við óendanlega gaman að vörum sem eru svolítið „öðruvísi“ í bland við það hefðbundna.

Megináhersla er lögð á að bjóða upp á vörur sem eiga það sammerkt að vera framleiddar að hluta eða öllu leyti úr endurunnum og endurnýtanlegum hráefnum (recycling/upcycling). Hrár viður, leður, járn, gler, leir og steypa eru lykilorðin okkar. Nýtt sem og notað.

Glæsileg verslun Barr Living er staðsett á Garðatorgi í Garðabæ. Nánari upplýsingar um opnunartíma má finna hér fyrir neðan.

Frá byrjun hefur Barr Living lagt áherslu á að reka öfluga vefverslun samhliða hefðbundinni verslun. Kauphegðun fólks hefur þróast í þá átt að flest erum við búin að finna vöruna sem við viljum kaupa á netinu áður en við stígum fæti inn í verslunina þar sem hún er í boði. Það má því segja að 90% kaupferlisins sé framkvæmdur á netinu. Við leggjum áherslu á að kaupandi fái góða tilfinningu fyrir vörunni með því að skoða hana á vefnum. Því til viðbótar bjóðum við upp á fría heimsendingu óháð magni og virði. Ef kaupandi óskar getur hann að sjálfsögðu líka sótt vörurnar í verslunina þegar það hentar.